ملګري ملتونه وايي چې د نړیوالو مرستو کمښت سره، افغانستان ته د هرې راستنېدونکي کډوالې کورنۍ لپاره نغدي مرسته له ۲۰۰۰ ډالرو څخه ۱۵۰ ډالرو ته راټیټه شوې ده، چې د دوی لپاره کافي نه ده.
په افغانستان کې د ملګرو ملتونو د کډوالو عالي کمیشنرۍ مشر وویل چې د لا زیاتو ملاتړ سره، ملګري ملتونه کولی شي د افغان کډوالو لپاره ډیر څه وکړي. عرفات جمال وویل چې افغان کډوال داسې ځمکې ته راستنیږي چې “د دوی منلو” ته چمتو نه دي.
د ملګرو ملتونو د موندنو پر بنسټ، د ۲۰۲۳ کال د سپتمبر راهیسې شاوخوا درې میلیونه افغانان خپل هیواد ته راستانه شوي دي، چې ډیری یې په زوره ایستل شوي دي.
