د افغانستان او پاکستان ترمنځ سوداګري د روان کال په اپریل میاشت کې د تیرې میاشتې (مارچ) په پرتله شاوخوا ۲۳ سلنه زیاته شوې ده.
ځینو پاکستاني رسنیو د خپلو سرچینو په حواله راپور ورکړی چې د دواړو هېوادونو ترمنځ سوداګري د مارچ په میاشت کې له ۹۷ ملیون ډالرو څخه په اپریل کې ۱۱۹ ملیون ډالرو ته لوړه شوې ده. دا زیاتوالی یوازې افغانستان ته د پاکستان صادراتو پورې محدود نه دی؛ د اپریل په میاشت کې له افغانستان څخه د پاکستان واردات هم زیات شوي دي.
