د دواړو هېوادونو ترمنځ په بېلابېلو برخو کې د تفاهم پنځه یادښتونه د کازان په ښار کې د اقتصادي چارو مرستیال لومړي وزیر ملا عبدالغني برادر اخوند او د روسیې د اقتصادي چارو مرستیال لومړي وزیر الیکسي اوویچوک په شتون کې لاسلیک شول.
د اقتصادي چارو مرستیال دفتر وايي چې دا تفاهم لیکونه د افغانستان د ترانسپورت او هوايي چلند وزارت او د روسیې د ترانسپورت وزارت ترمنځ د ترانسپورت او ترانزیت په برخو کې دي، د دواړو هیوادونو د سوداګرۍ خونو ترمنځ سوداګرۍ پراخول، په افغانستان کې د تیلو او ګازو اکتشاف، استخراج او تصفیه کول د دواړو هیوادونو د یو شمیر لویو خصوصي شرکتونو ترمنځ، او د سیمه ایز سوداګریز، صنعتي او لوژستیکي کمپلیکس جوړول.
