د هند یوه حکومتي چارواکي د دغه هېواد هندو ورځپاڼې ته ویلي چې لږ تر لږه درې جنګي الوتکې یې د جمو او کشمیر په اخنور، رامبان او پامپور سیمو کې لوېدلې دي.
دا وروسته له هغه راځي چې پاکستاني چارواکو مخکې اعلان وکړ چې دوی په هیواد کې د بریدونو پرمهال پنځه هندي جنګي الوتکې ویشتلي دي.
د یادونې وړ ده چې د هند پوځي چارواکو مخکې اعلان کړی و چې دوی د پاکستان په خاوره کې پر ترهګرو نهو هدفونو بریدونه کړي دي، پرته له پوځي او تاسیساتو.
د پاکستان صدراعظم شهباز شریف هند ته د نږدې غچ اخیستونکي برید ګواښ کړی او ویلي یې دي چې دا برید به بې ځوابه پاتې نشي.
هغه د پاکستان په خاوره د هند برید “بزدلانه، کرغیړن او تیریګر” وباله.
