د مخابراتو او معلوماتي ټکنالوژۍ وزارت وايي چې د موبایل تلیفونونو واردونکي اړ دي چې د مخابراتو تنظیم کونکي ادارې څخه د دې تلیفونونو واردولو لپاره جواز ترلاسه کړي او خپل فعالیتونه قانوني کړي.
د مخابراتو وزارت د اعلان سره سم، وزارت د ټیټ کیفیت او جعلي تلیفونونو د واردولو مخنیوي او همدارنګه د هغوی د غلا مخنیوي لپاره یو سیسټم پیل کړی دی، چې پر بنسټ یې د ګرځنده تلیفونونو ټول IMEI نمبرونه بازار ته د خپریدو دمخه ثبت کیږي.
