د افغانستان د صنایعو او سوداګرۍ وزارت اعلان کړی، چې سږ کال د هېواد د هوايي ډګرونو له لارې د صادراتو او وارداتو ټولیز ارزښت ۲۹۵ میلیونه ډالرو ته رسېدلی، چې ۱۲۸ میلیونه ډالره یې صادرات او ۱۶۷ میلیونه ډالر واردات دي.
د افغانستان صادرات او واردات د کابل، کندهار او بلخ د هوايي ډګرونو له لارې اتریش، اردن، هسپانیا، متحده عربي اماراتو، اندونیزیا، بریتانیا، امریکا، جنوبي افریقا، جرمني، چین، هند او نورو هېوادونو ته کېږي.
د دغه وزارت د معلوماتو له مخې، د صادراتو عمده توکي وچه مېوه، زعفران، وچه او تازه انځر، جوجوب، تور جلغوزي، لاسي صنايع او نور محصولات دي.
