د افغانستان لپاره د اسلامي هېوادونو د همکارۍ سازمان ځانګړي استازي طارق علي بختي د ترکيې د بهرنيو چارو وزارت د جنوبي اسيا د چارو له عمومي رييس او په کابل کې د دغه هېواد له پخواني سفير جهاد ارګيناي سره وکتل.
په دغه کتنه کې چې د اسلامي همکاریو سازمان د دارالانشا په مقر کې ترسره شوه، دواړو لورو له افغانستان سره د همکارۍ پر ممکنه لارو چارو خبرې وکړې او د افغانانو پر ملاتړ او د اسلامي امارت له چارواکو سره یې د رغنده بحثونو پر دوام ټینګار وکړ.
