د اروپا د پارلمان مشرې روبرتا میتسولا په دې خبرې سره چې د اوکراین امنیت د اروپا امنیت دی او ټینګار یې وکړ: نن ورځ تر بل هر وخت زیات د اوکراین د ولسمشر ولادیمیر زیلینسکي تر څنګ ولاړ یو.
میټسولا دې ته په اشارې سره چې په اوکراین کې نننی وضعیت هماغسې دی لکه څنګه چې درې کاله مخکې و، وویل: اوکراین نه یوازې د خپل امنیت لپاره، بلکې د اروپا د امنیت او د دې وچې د ګډو ارزښتونو لپاره هم جنګیږی او موږ باید له هر هغه چا سره ملګرتیا وکړو چې زموږ د امنیت او ارزښتونو لپاره جنګیږی او اروپایی اتحادیه باید د اوکراین د ملیاردانو د مالی ملاتړ لپاره ډیر څه وکړی.
هغه زیاته کړه: “موږ له اوکراین سره یو، خو د دې کار د ترسره کولو لپاره باید لا ډېر کار وکړو او ډاډ ترلاسه کړو چې خپلې مالي سرچینې په سمه توګه تخصیص کړو او له کییف سره نورې پوځي مرستې وکړو.”
