د اوبو او انرژۍ وزارت وايي چې د کندهار ولایت د میوند ولسوالۍ په قبات کلي کې د ۲۹ ملیون افغانیو څخه زیاتو لګښتونو په ارزښت د یوه کانال، استنادي دیوال، اتو پلچکونو او دوو لویو او دوو کوچنیو اوبو کنټرول دروازو د جوړولو کار پیل شوی دی.
وزارت ویلي چې د دې پروژو مالي لګښت د ملګرو ملتونو د خوړو او کرنې سازمان لخوا ورکړل شوی او د ولایتي اوبو او انرژۍ ریاست سره په همکارۍ به د اتو میاشتو په اوږدو کې بشپړ او په کار واچول شي.
