د افغانستان د کانونو او پټرولیم سرپرست وزیر هدایت الله بدري ازبکستان ته د خپل سفر په ترڅ کې د هغه هېواد د کانونو او اکتشاف وزیر سره وکتل او خبرې اترې یې وکړې.
د کانونو او پټرولیم وزارت په یوه مطبوعاتي اعلامیه کې لیکلي چې د وزارت مشر د ازبکستان دولتي شرکتونو څخه هم لیدنه کړې ده.
هدایت الله بدري ټینګار وکړ چې د افغانستان په کانونو کې د پانګونې په برخه کې له ازبکستان سره همکاري خورا مهمه ده او دا ډول غونډې کولی شي د دواړو هېوادونو ترمنځ د اقتصادي اړیکو په پیاوړتیا کې مرسته وکړي.
