د صنعت او سوداګرۍ وزارت د سوداګرو او د پټرولیم او مایع ګاز شرکتونو سره د همغږۍ غونډه وکړه ترڅو هیواد ته د ټیټ کیفیت لرونکي تیلو واردولو مخه ونیسي.
د وزارت په مطبوعاتي اعلامیه کې راغلي چې دا غونډه د فرمانونو او احکامو د څارنې او تعقیب ریاست رییس مولوي شمس الدین شریعتي او د صنعت او سوداګرۍ مرستیال وزیر مولوي احمدالله زاهد په مشرۍ جوړه شوه.
د وزارت په وینا، په غونډه کې ګډون کوونکو سوداګرو د بې کیفیته تیلو د واردولو د مخنیوي لپاره د اسلامي امارت د هڅو ستاینه وکړه او د بشپړې همکارۍ ډاډ یې ورکړ.
