د افغانستان مرکزي بانک پرون (د سلواغه ٢٩ مه) اعلان وکړ چې د بانک مشر نور احمد آغا د “مالي امنیت په برخه کې د سایبر امنیت” په اړه په نړیوال کنفرانس کې د ګډون لپاره روسیې ته تللی دی، چې د فبروري له ۱۹مې څخه تر ۲۱مې پورې به د یکاترینبورګ په ښار کې ترسره شي.
د مرکزي بانک د اعلامیې له مخې، د دې کنفرانس موخه د “د عصري بانکي سیسټمونو مالي امنیت او د سایبري ګواښونو په وړاندې د اغیزمنو اقداماتو” په اړه بحث کول دي.
