د “سیمه ییز امنیت لیدلوری” په اړه یوه ځانګړې غونډه پرون (یکشنبه، د سلواغه ٢٨ مه) د تهران په علامه طباطبایي پوهنتون کې د ایران، روسیې او افغانستان د متخصصینو په ګډون ترسره شوه.
د ایراني رسنیو د راپورونو له مخې، دا غونډه د ایران د سولې مطالعاتو ټولنې، د روسیې د علومو اکاډمۍ او د کابل د سولې او پراختیا د څیړنې انسټیټیوټ لخوا په سیمه کې د امنیتي ننګونو او فرصتونو د څیړلو په موخه جوړه شوې وه.
د علامه طباطبايي پوهنتون رئیس شجاع احمد وند د سیمه ییزې پالیسۍ جوړونې په برخه کې د نویو لارو چارو د جوړولو لپاره د دریو هېوادونو ترمنځ علمي او فکري تعامل اړین وګاڼه.
