د هلمند ولایت په کجکي ولسوالۍ کې د ۷۶ ملیون افغانیو په ارزښت د دریو پرمختیایي پروژو کار د کلیو د بیارغونې او پراختیا وزیر ملا محمد یونس اخوندزاده لخوا پرانیستل شو.
د کلیو د بیارغونې او پراختیا وزارت وايي چې په دې پروژو کې شامل دي؛ د دې ولسوالۍ په شیري کلي کې د ۸ کیلومتره اوبو لګولو کانالونو بیارغونه، د ۳۰ کیلومتره سړکونو جوړول او جغل اچول او د سپین غر ولسوالۍ په سپین غر کلي کې ۸.۸ کیلومتره سړکونه.
