یوه امریکايي سازمان چې د امنیت، سیاست او ډیموکراسۍ په برخو کې فعال دی، راپور ورکړی چې د واشنګټن او بیجینګ ترمنځ جدي کړکېچونه رامنځته شوي چې کوم هیواد باید د ملګرو ملتونو امنیت شورا کې د افغانستان په اړه پریکړه لیکونه مسوده کړي.
سازمان زیاته کړه چې که څه هم دا بحث د ۲۰۲۴ کال په وروستیو کې پیل شو، خو د ټرمپ د نوي ادارې له واک ته رسیدو سره یې شدت موندلی او اوس نه یوازې په کابل کې د طالبانو سره د ملګرو ملتونو د تعامل پر څرنګوالي اغیزه کوي، بلکې کولی شي په امنیت شورا کې د مخکښ ځواک په توګه د چین دریځ پیاوړی یا کمزوری کړي.
