د شمالي کوریا دولتي رسنیو د امریکا د ولسمشر ډونالډ ټرمپ د غزې د نیولو او د فلسطینیانو د بې ځایه کولو وړاندیز “مسخره” بللی او د غندلو په حال کې یې واشنګټن د زور کارولو په تور تورن کړی دی.
رویټرز د شمالي کوریا د خبري اژانس له قوله ویلي چې فلسطینیان د اوربند وروسته هیله مند وو، خو د ټرمپ پلان به دا هیله له منځه یوسي.
ډونالډ ټرمپ د سې شنبې په ورځ د اردن له پاچا عبدالله څخه هم وغوښتل چې هغه فلسطینیان ومني چې د دې پلان له مخې به په دایمي ډول بې ځایه شي، خو هغه په کلکه دا غوښتنه رد کړه او د خپل هیواد سخت مخالفت یې اعلان کړ.
