د دایکندي د والي ویاند سید غضنفر کاظمي نن (دوشنبه، د سلواغه ٢٢ مه) په یوه رسنیزه مرکه کې تایید کړه چې هغه لارې چې د ولایت مرکز نیلي ښار له ګاونډیو ولسوالیو او ولایتونو سره نښلوي د درنو واورو له امله بندې شوې دي چې ترافیک یې اغیزمن کړی دی.
د هغه په وینا، د کوتل قوناق، بامیان-دایکندي، نیلي-خادر، نیلي-کیتي، نیلي-شهرشان، نیلي-پټو، نیلي-اشترلي، او نیلي-سنګټخت عامه لارې د ترافیکو پرمخ تړل شوې دي.
ښاغلي کاظمي زیاته کړه چې د فواید عامې وزارت هڅې کوي چې دا سړکونه پاک کړي او د ترافیکو پر مخ یې پرانیزي.
