افغانستان
د هوا پېژندنې ملي اداره د ۵۰ څخه تر ۸۰ کیلومتره په ساعت کې د سرعت سره د قوي بادونو د احتمال خبرداری ورکوي
د ترانسپورت او هوايي چلند وزارت د هوا پېژندنې څانګې د هېواد په بېلابېلو سیمو کې د قوي بادونو د احتمال خبرداری ورکړی دی.
د هوا پېژندنې اداره وايي چې نن (پنجشنبه، د سلواغه ۱۸مه) د سالنګ په ګډون په شمالي، لویدیځو، سویل لویدیځو او مرکزي ولایتونو کې د قوي بادونو تمه کیږي.
د سرپرست حکومت د ترانسپورت او هوايي چلند وزارت د هوا پېژندنې څانګې په یوه مطبوعاتي اعلامیه کې ویلي چې د هیواد په بیلابیلو برخو کې د باد سرعت په ساعت کې د ۵۰ او ۸۰ کیلومترو ترمنځ تمه کیږي.
