د افغانستان لپاره د سره صلیب نړیوالې کمېټې (ICRC) ویلي چې خپاره شوي راپورونه ښيي چې دې ادارې په کابل کې خپلو کارکوونکو ته د امنیتي دلایلو له امله په کورونو کې د پاتې کیدو امر کړی دی؛ دا له حقیقت څخه لرې او په بشپړه توګه غلط دی.
دې سازمان زیاته کړه چې په کابل او ټول افغانستان کې یې کارکوونکي پرته له کوم خنډ څخه خپلې دندې ترسره کوي، او د دوی ټول بشري پروګرامونه فعال دي.
دې ادارې یو ځل بیا د هیواد اړمنو خلکو ته د بشري مرستو رسولو لپاره خپله ژمنه اعلان کړه.
