د بلخ ولایت د عامې روغتیا ریاست مطبوعاتي مسؤل کمال الدین ځدراڼ وویل: “په تیرو دریو کلونو کې، د ۱۵۸۵ میرمنو په ګډون ۳۶۴۹ روږدي ناروغانو روغتیايي خدمات ترلاسه کړي او درملنه یې شوې ده.”
هغه زیاته کړه: “د بلخ ولایت په څلورو روغتونونو کې په مخدره توکو اخته ناروغانو پاملرنه او درملنه وشوه.” د هغه په وینا، په بلخ ولایت کې په ۱۰۰ بستریز روغتون کې ۱۴۷۱ روږدي کسان، په ۴۰ بستریز روغتون کې ۴۱۳ روږدي کسان، په ۵۰ بستریز روغتون کې ۷۳۰ روږدي کسان او په ۷۰ بستریز روغتون کې ۱۰۳۵ روږدي کسان درملنه شوي دي.
د یادونې وړ ده چې د بلخ ولایت په روغتونونو کې د روږدو کسانو درملنه ۲۰۶۴ نارینه، ۱۵۸۵ ښځې، ۴۱۳ تنکي ځوانان او ۱۸۰ ماشومان دي، او د دې ناروغانو درملنه په بشپړه توګه وړیا شوې ده.
