د احصایې او معلوماتو ملي اداره وايي چې د روان کال په دریمه ربع کې د هیواد د صادراتو او وارداتو پورې اړوند ارقامو پر بنسټ، د افغانستان د صادراتو ارزښت ۶۶۹.۷ ملیون ډالرو ته رسیدلی دی.
د دې ادارې د شمېرو له مخې، د روان کال په دریمه ربع کې د تیر کال د دریمې ربعې په پرتله د هیواد صادراتو ارزښت ۳۴.۹ ملیون ډالر زیات شوی دی.
د دې ادارې په وینا، د هیواد تر ټولو زیات صادر شوي توکي وچې او تازه میوې، سبزیجات، طبي بوټي او منرالونه دي.
