د اسراییلو رسنیو ادعا کړې چې په غزه کې به د سې شنبې په ورځ اوربند اعلان شي.
د اسراییلو ۱۳ چینل راپور ورکړ چې په اسراییلو کې وړاندوینې ښیي چې د حماس سره به یوه موافقه نن، د سې شنبې په ورځ، د غرمې په وخت اعلان شي.
د اسراییلو چینل ۱۴ هم د تل ابیب د کابینې د یوه چارواکي له قوله ویلي: د ټرمپ استازي د امریکا د منتخب ولسمشر له خوا نتانیاهو ته یو قوي پیغام ورساوه، او له هغه یې وغوښتل چې یوې موافقې ته ورسیږي.
هغه زیاته کړه: “دا تړون به د تل ابیب په کابینې کې د اکثریت ملاتړ ترلاسه کړي.”
د اسراییلو حکومتي چارواکي زیاته کړه: “موږ د یرغمل شویو کسانو د وضعیت له پوهیدو پرته خبرې اترې کوو، او حماس د دوی په اړه روښانه ځوابونه نه دي ورکړي.”
د اکسیوس خبري سایټ هم د یوه چارواکي په حواله راپور ورکړی چې د اوربند د تړون په لومړي پړاو کې به اسراییلي ځواکونه د غزې له ځینو حساسو سیمو څخه ووځي.
د راپور له مخې، اسراییلي ځواکونه به اړ وي چې په تدریجي ډول له حساسو سیمو لکه د غزې تړانګې په مرکز کې د نطزاریم محور او د مصر په پوله کې د فلاډلفیا محور څخه ووځي.
دغه چارواکي زیاته کړه: “دا دوه محورونه په تیرو خبرو اترو کې د ګوندونو ترمنځ د اختلاف یو له مهمو ټکو څخه وو، او داسې ښکاري چې په نوي تړون کې د دوی په اړه موافقه شوې ده.”
