د اسراییلو د لومړي وزیر دفتر اعلان وکړ چې بنیامین نتانیاهو د اسراییلو د استخباراتي ادارې موساد مشر قطر ته لیږلی دی ترڅو د یرغمل شویو کسانو د بیرته ستنیدو لپاره خبرې اترې پرمخ بوځي.
د اسراییلو لومړي وزیر قطر ته یو پلاوی لیږلی دی پداسې حال کې چې د منځني ختیځ لپاره د ډونالډ ټرمپ استازي سټیو ویټیکر د غزې په تړانګه کې د اوربند د ټینګولو د هڅو په جریان کې له بنیامین نتنیاهو سره ولیدل.
د رویټرز په وینا، د نتانیاهو د دفتر څخه په یوه بیان کې ویل شوي: “له غونډې وروسته، نتانیاهو د اسراییل د موساد استخباراتي ادارې د مشر په ګډون یو لوړ پوړی پلاوی قطر ته واستاوه ترڅو په غزه کې د حماس د یرغمل شویو کسانو د بیرته راستنیدو لپاره خبرې اترې پرمخ بوځي.”
یوه اسراییلي چارواکي ویلي دي چې د رژیم او د فلسطین د خلکو د مقاومت غورځنګ (حماس) ترمنځ په “غیر مستقیم” خبرو اترو کې پرمختګ شوی دی، چې د مصر، قطر او متحده ایالاتو په منځګړیتوب ترسره شوي، ترڅو په غزه کې یوې موافقې ته ورسیږي.
