د عامې روغتیا وزارت وايي چې د روان ژمي له پیل راهیسې، د ګازو د زهري کېدو له امله د مسمومیت له امله ۸۹۴ کسان روغتیايي مرکزونو ته لیږدول شوي دي، چې له دې ډلې ۲۴ تنو یې خپل ژوند له لاسه ورکړی دی.
د عامې روغتیا وزارت ویاند ډاکټر شرافت زمان وايي چې د روان ژمي له پیل راهیسې، د کاربن مونو اکساید مسمومیت له امله ۸۹۴ کسان روغتیايي مرکزونو ته لیږدول شوي دي، چې له دې ډلې ۲۴ تنو یې خپل ژوند له لاسه ورکړی دی.
هغه لیکلي چې په مړو کې ۱۵ نارینه او نهه ښځې شاملې دي.
هغه له خلکو وغوښتل چې د ګازو د بخاریو کارولو پر مهال له احتیاط څخه کار واخلي.
دا په داسې حال کې ده چې پرون په سمنګان ولایت کې د یوې کورنۍ اته غړي د ګازو له امله مسموم شوي وو.
