د پاکستان حکومت د شنبې په ورځ اعلان وکړ چې اسلامي امارت په اسلامي نړۍ کې د نجونو د تعلیم په اړه په نړیوال کنفرانس کې چې په اسلام آباد کې جوړ شوی و، ګډون نه دی کړی.
د پاکستان د پوهنې وزیر خالد مقبول صدیقي فرانسه رسنۍ ته وویل، “موږ افغانستان ته بلنه ورکړې وه، خو د افغانستان له حکومت څخه هیڅوک په کنفرانس کې حاضر نه وو.”
د یادونې وړ ده چې په اسلامي نړۍ کې د نجونو د زده کړې په اړه دوه ورځنی نړیوال کنفرانس نن (شنبه، د مرغومې په ٢٢ مه) په اسلام آباد کې پیل شو.
