د کاناډا پخواني لومړي وزیر جسټن ټروډو چې په دې وروستیو کې له خپلې دندې استعفا کړې، د امریکا د منتخب ولسمشر ډونالډ ټرمپ څرګندونو ته غبرګون ښودلی او ویلي یې دي چې د کاناډا لپاره له امریکا سره یوځای کېدل ناشوني دي د دې هیواد د بل ایالت په توګه.
هغه په ایکس کې لیکلي چې “په دوزخ کې هیڅ چانس شتون نلري” چې کاناډا به د متحده ایالاتو برخه شي.
ټروډو وویل: “زموږ په دواړو هیوادونو کې کارګران او ټولنې د یو بل ترټولو لوی سوداګریز او امنیتي شریک څخه ګټه پورته کوي.”
د جسټن ټروډو د استعفا په ځواب کې ډونلډ ټرمپ ویلي چې اوس د کاناډا لپاره مناسب وخت دی چې د امریکا یو ایالت شي.
که کاناډا له متحده ایالاتو سره یوځای شي، هغه وویل، “هیڅ ډول تعرفه به نه وي او مالیات به کم شي.”
د يادونې وړ ده چې جسټن ټروډو د روانې اوونۍ د دوشنبې په ورځ اعلان وکړ چې په رسمي توګه به له دندې ګوښه او خپله استعفا وړاندې کړي.
