د عامې روغتیا وزارت چارواکو په کابل کې د یوې خبري ناستې پر مهال اعلان وکړ، چې اوسمهال په ټول هېواد کې شاوخوا دیارلس زره بسترونه شته، چې د نویو روغتونونو په جوړېدو سره به یې شمېر ۱۰ زره نور هم لوړ شي.
د چارواکو په وینا، د دغو روغتونونو په جوړېدو سره به ۲۷ زره کسانو ته د کار زمینه برابره شي او د یوې رڼې پروسې له لارې به ورته د کار زمینه برابره شي.
د یادولو وړ ده چې د اسلامي امارت د رهبرۍ د هدایت په اساس د هیواد په ولسوالیو کې د ۳۱۸ روغتونونو د جوړولو بودجه ځانګړې شوې ده.
