د هېواد پخواني ولسمشر حامد کرزي د پکتیکا ولایت پر سیمو باندې د پاکستان د پوځي ځواکونو هوايي بریدونه په کلکو ټکو غندلي او هغه یې ښکاره تېری او د افغانستان له ملي حاکمیت څخه سرغړونه بللې ده.
په خبرپاڼه کې راغلي، چې ښاغلي کرزي د دواړو هېوادونو په اړيکو کې ترينګلتيا په سيمه کې د افراطيت د پياوړتيا او د افغانستان د پرله پسې کمزوري کولو لپاره د پاکستان د ناسمو سياستونو محصول بللى او د دغه کړکېچ د هواري لپاره يې په بيړنۍ اړتيا پورې او د هغه هیواد لخوا د دې پالیسیو جدي بیاکتنه تړلى ګڼلى دی.
پخواني ولسمشر د ښه ګاونډيتوب او ښه ګاونډيتوب پر بنسټ د اړيکو ټينګښت د دواړو هېوادونو په ګټه ګڼلى و.
دا په داسې حال کې ده، چې تېره شپه هم د پاکستان جنګي الوتکو د پکتیکا ولایت د برمل ولسوالۍ په ځینو برخو بمباري کړې ده.
