رویټرز خبري اژانس راپور ورکړی چې د امریکا د بهرنیو چارو وزیر انتوني بلینکن د عراق له صدراعظم محمد شیاع السوداني سره په سوریه کې د نوي حکومت د جوړېدو په اړه خبرې کړې دي.
تر دې مخکې بلنکن ترکیې ته د خپل سفر پر مهال د بهرنیو چارو له وزیر هاکان فیدان سره پر همدې موضوع خبرې کړې وې.
د امریکا د بهرنیو چارو وزیر دغه سفر په منځني ختیځ کې د لږکیو د حقونو په پام کې نیولو سره په سوریه کې د یوه ټول شموله حکومت د جوړولو په اړه له ترکیې او عربي هېوادونو سره د خبرو په هدف پیل کړی دی.
