د پاکستان پوځ پرون اعلان وکړ چې د استخباراتو د ادارې (آی ایس آی) پخوانی مشر جنرال معیق فیض حمید یې د ځمکې د پراختیا او تصفیې په قضیه کې نیولی دی.
د رویټرز خبري اژانس په راپور کې ویل شوي چې د پاکستان پوځ د دغه هېواد له خپلواکۍ وروسته د دغه هېواد په ۷۷ کلن تاریخ کې له ۳۰ کلونو زیات پر پاکستان حکومت کړی او لا هم د مهمو چارو مسوول دی.
د پاکستان د پوځ په اعلامیه کې ویل شوي چې دغه نیول د سترې محکمې په حکم شوی دی.
د پاکستان پوځ زیاته کړې چې جنرال فیض حمید له تقاعد وروسته په څو مواردو کې د پاکستان له پوځي قانون څخه سرغړونه کړې ده.
اعلاميې د دې مسايلو له جزئياتو پرته ويلي، چې پوځي محاکمه پيل شوې او محکوم شوى جنرال پوځي زندان ته لېږدول شوى دى.
باید وویل شي چې جنرال فیض حمید له ۲۰۱۹ تر ۲۰۲۱ کال پورې د آی ایس آی د استخباراتو مشر و.
