د افغانستان لپاره د ملګرو ملتونو د بشري مرستو د همغږۍ دفتر ( اوچا) وايي، د روان کال له پیله تر سپټمبر میاشتې پورې یې له افغانستان سره نږدې ۹۵۹ میلیونه ډالره مرسته ترلاسه کړې، خو د دغه دفتر د معلوماتو له مخې د دوی ټوله اړتیا ۳.۰۶ میلیارده ډالره ده.
دغه دفتر دا هم ویلي چې په افغانستان کې اوس هم ۲۳.۷ میلیونه خلک بشري مرستو ته اړتیا لري.
د اوچا په وینا، دغه دفتر د خپلو همکارانو په همکارۍ له ۱۵،۳ میلیونو اړمنو افغانانو سره مرستې کړې دي.
