د کډوالو او راستنیدونکو چارو وزارت اعلان کړی، چې ترکیې په دې وروستیو کې ۳۲۵ افغان کډوال شړلي دي.
د مهاجرینو او راستنیدونکو چارو وزارت مطبوعاتي دفتر د یوې خبرپاڼې په خپرولو سره ویلي چې دغه کډوال چې اسناد یې درلودل او له اسنادو پرته د تېرې ورځې په اوږدو کې د هوا له لارې هېواد ته ولېږدول شول.
د اسلامي امارت چارواکو د کابل په هوايي ډګر کې د راستنیدونکو کسانو هرکلی وکړ.
د مهاجرت وزارت ویلي چې د مهاجرت نړیوال سازمان له راستنیدونکو سره د ۱۵۰ یورو معادل حقوقي خوندیتوب او مالي مرسته کړې ده.
ترکیې تر دې مخکې هم افغان کډوال ایستلي دي.
افغان اتباع ترکيې ته د کډوالۍ او يا کار لپاره اروپايي هېوادونو ته ځي.
باید وویل شي، چې له ایران او پاکستان څخه هم د افغان کډوالو د ایستلو لړۍ روانه ده.
