د افغانستان د اسلامي امارت د بهرنیو چارو وزارت د پاکستان د بلوچستان ایالت په کویټه ښار کې د اورګاډي په تم ځای کې چاودنه په کلکه وغندله.
دغه وزارت ویلي دي چې موږ د بلوچستان په کوټه ښار کې وروستۍ چاودنه چې په پایله کې یې یو شمیر ملکي وګړي مړه او ټپیان شول، غندو.
د بهرنیو چارو وزارت د قربانیانو له کورنیو سره د خواخوږۍ په څرګندولو سره د شهیدانو جنت فردوس او ټپیانو ته د عاجلې روغتیا غوښتنه کړې ده.
د دغې چاودنې په پایله کې تر ۲۰ ډېر کسان مړه او لسګونه نور ټپیان شول.
