د اسلامي امارت د بهرنیو چارو د وزارت ویاند وایي، وزارت یې د متوازن بهرني سیاست په رڼا کې هیله من دی چې د امریکا راتلونکی حکومت به خپلو موخو ته د رسیدو لپاره رښتیني ګامونه پورته کړي څو په اړیکو کې د کابل او واشنګټن ترمنځ د پام وړ پرمختګ وشي.
عبدالقهار بلخي نن چهارشنبه (چهارشنبه د لړم۱۶مه) په ایکس نوټ چینل کې یو بیان خپور کړ او لیکلي یې دي چې هیله من دی چې دواړه هېوادونه د متقابلو اړیکو په رڼا کې د اړیکو نوی فصل پرانیزي.
ښاغلي بلخي همداراز زیاته کړه چې د اسلامي امارت او امریکا ترمنځ د دوحې تړون د ډونالډ ټرمپ د ولسمشرۍ پر مهال لاسلیک شو او له هغه وروسته شل کلن اشغال پای ته ورسېد.
د ده په وینا له ښاغلي ټرمپ تمه کېږي چې په سیمه او نړۍ کې په ځانګړې توګه په غزه او لبنان کې د روانې جګړې په پای ته رسولو کې رغنده رول ولوبوي.
