د امریکا د جمهوري ریاست په ټاکنې کې د جمهوري غوښتونکو کاندید او د امریکا پخواني جمهور رئیس ډونالډ ټرمپ ویلي دي چې که بریالی شي نو په میلیونونو کډوال به له هیواده وباسي.
د رویټرز په وینا، هغه دا خبرداری هم ورکړ چې که د ډیموکراټیک کاندید کاملا هاریس وګټي، “د امریکا هر ښار به د کډوالو په یوه خطرناک او ویجاړ کمپ بدل شي.”
په اوو ایالتونو کې نظرپوښتنې چې په حقیقت کې د متحده ایالاتو د ټاکنو برخلیک ټاکي ښیې چې د ډونالډ ټرمپ او کاملا هاریس ترمنځ سیالي خورا نږدې او د وړاندوینې وړ نه ده.
