د کرنې، اوبولګولو او مالدارۍ وزارت وايي، په هېواد کې د غنمو د تولید او خوندي کولو د زیاتوالي په موخه یې د غنمو د کښت او زېرمه کولو د بهیر د څارنې لپاره یوه کمېټه ټاکلې ده.
دغه وزارت زیاتوي، چې د دغه بورډ تر ټاکل کېدو وروسته به د غنمو ذخیره په معیاري ډول ترسره شي او د ټیټ کیفیت لرونکي غنم به په سیلو کې د ذخیره کولو مخه ونیول شي.
د دغه وزارت د معلوماتو له مخې، دغه بورډ د بزګرانو اضافي غنم په مناسبه بيه پېرلو ته دوام ورکوي او په سالونونو کې يې زېرمه کوي، څو په اغېزمنه توګه ترې ګټه پورته شي.
