په هغې غونډه کې چې د رسنیو د ملاتړ بنسټونو، د سیمه ییزو رسنیو مسوولینو، د اطلاعاتو او فرهنګ رئیس او د استخباراتو د رئیس په ګډون جوړه شوې وه، د تخار ولایت رئیس د دغه ولایت له ټولو خبریالانو او ویډیويي رسنیو وغوښتل چې له دې وروسته ویډیويي راپورونه ثبت او خپاره نه کړي.
د هغه په وينا، دغه بنديز د امر به المعروف نهی عن المنکر وزارت د نوي قانون پر بنسټ وضع شوى او د ملي ټلوېزيون په ګډون هېڅ خبريال او سيمه ييزې رسنۍ نه شي کولى چې له دغه قانون څخه سرغړونه وکړي او د دغه بنديز د پلي کېدو لپاره ١٥ کسيزه کمېټه ټاکل شوې ده. ټاکل شوې چې د والي په مشرۍ سيمه ييزې ادارې رامنځته شي.
