ایراني چارواکي: د روان کال تر پایه به دوه میلیونه کډوال له قانوني اسنادو پرته وایستل شي
د ایران د پولیسو عمومي قوماندان احمد رضا رادان یوځل بیا له دغه هیواد څخه د مهاجرینو په جبري شړلو ټینګار وکړ او ویې ویل چې د روان میلادي کال تر پایه به له ایران څخه دوه میلیونه بې اسناده مهاجرین وباسي.
رادان د ایران له یوه تلویزیون سره په مرکه کې هغو مهاجرینو ته چې قانوني اسناد نه لري د روان کال تر پایه خپلو هیوادونو ته د ستنیدو وخت ورکړ.
