د ایران د سیستان او بلوچستان صوبې د سرې میاشتې ټولنې اعلان کړی چې په دغه ولایت کې د کډوالو یو موټر د بابري له موټر سره د ټکر له امله لږ تر لږه ۱۱ تنه افغان کډوال مړه شوي دي.
د سیستان او بلوچستان د سرې میاشتې ټولنې اجراییوي رییس سید محمد مهدي سجادي ایسنا خبري اژانس ته ویلي، چې دغه پېښه نن درېنۍ په ورځ د تله ۱۰ مه د سراوان – کوهک پر سړک رامنځته شوې ده.
د هغه په وينا، په دې پېښه کې ١٤ نور کسان ټپيان شوي دي.
سجادي زياته کړه: په ټېلر موټر کې دولس تنه او دوه تنه سپرلۍ د سرې مياشتې د ځواکونو له خوا لومړنۍ طبي درملنه وشوه .
د معلوماتو له مخې دغو پناه غوښتونکو پلان درلود چې په غیر قانوني توګه ایران ته داخل شي.
دا په داسې حال کې ده چې تر دې وړاندې هم په ایران کې افغان کډوال د ورته پېښو قرباني شوي وو.
