د افغانستان لپاره د پاکستان پخواني استازي اصف دراني د ملګرو ملتونو د ۷۹مې عمومي اسامبلې په غونډه کې د دغه هېواد له چارواکو غوښتي چې نړیواله ټولنه وهڅوي چې له اسلامي امارت سره تماس ونیسي.
ښاغلي دراني پرون (درېنې ، می ۳ تله) په خپل ایکس چینل کې لیکلي: “په داسې حال کې چې د نړۍ مشران په نیویارک کې د ملګرو ملتونو په عمومي غونډه کې د ګډون لپاره راټول شوي دي، پاکستان باید نړیواله ټولنه وهڅوي چې له اسلامي امارت سره اړیکه ونیسي.”
نوموړي خبرداری ورکړی، چې که له اسلامي امارت سره اړیکي ونه لري، ښايي منزوي افغانستان د ترهګرو په ځاله بدل شي او د سپټمبر د یوولسمې د بریدونو په څېر پېښې تکرار شي.
