په ملګرو ملتونو کې د پاکستان دایمي استازي ادعا کړې، چې تحریک طالبان پاکستان د دغه هېواد اصلي دښمن بولي او له افغانستان څخه د ترهګرۍ د مخ په زیاتیدونکي ګواښ په اړه یې خبرداری ورکړی، چې کابل د پاکستان د اصلي دښمنانو ملاتړ او ساتنه کوي.
دا په داسې حال کې ده چې د سرپرست حکومت چارواکو په ځلونو د تحریک طالبان پاکستان ملاتړ رد کړی او ویلي یې دي چې پاکستاني طالبان د پاکستان په خاوره کې پر ځینو برخو واکمن دي او د افغانستان له خاورې یې ملاتړ ته اړتیا نه لري.
