د هامبورګ د اسلامي مرکز مشر تېره شپه له جرمني څخه د وتلو لپاره برلین ته د دوو اوونیو د ضرب الاجل په رسېدو سره د دغه اروپايي هېواد له خاورې ووت.
د آلمان د هامبورګ د اسلامي مرکز مشر له آلمان څخه تر وتلو مخکې د هامبورګ اداري محکمې ته د هغه د ګوښه کیدو په هکله د عاجلې غوښتنې په بڼه شکایت وکړ.
د زمری د میاشتې په پیل کې د آلمان د کورنیو چارو وزیر په هامبورګ کې د اسلامي مرکز د تړلو د اعلانولو په ترڅ کې ادعا وکړه چې «مونږ د آلمان هغه اسلامي مرکز وتړلو چې اسلامپاله او دیکتاتوري ایډیالوژي یې تبلیغوله.
