په امریکا کې د سپټمبر د یوولسمې د بریدونو د ۲۳ مې کلیزې په مناسبت، په نیویارک کې یوې فدرالي محکمې د ایران حکومت او د افغانستان اسلامي امارت ته امر وکړ چې په زرگونو زخمیانو یا ټپیانو ته ټولټال ۱۴۴ میلیارده او ۷۰۰ میلیونه ډالره تاوان ورکړي. هغه کسان چې په دغه برید کې وژل شوي دي، غندلي دي
د امریکا غږ د راپور له مخې، قاضي جارج ډینیل ادعا وکړه چې دا درنه جریمه یې وروسته له هغې صادره کړه چې د ده په وینا تورنو کسانو په امریکايي محکمو کې له ځانه دفاع ونه کړه.
د ایران او اسلامي امارت په وړاندې صادر شوي قضاوت کې د “البرکا بانکدارۍ او پانګونې پروړاندې د برنیټ” په نوم دوسیه کې د 6,000 خلکو شکایتونه شامل دي چې د القاعدې ډلې په ملاتړ تورن شوي.
د “LAW360” له مخې، اسلامي امارت باید د سپټمبر د یولسمې د بریدونو ژوندي پاتې شویو ته له ۱۰۹ ملیارد ډالرو زیات او همدارنګه له ۱۳۰ څخه زیاتو هغو کسانو ته چې په دې بریدونو کې ټپیان شوي وو، خو ژوندي پاتې شوي، ۲.۵ میلیارده ډالر ورکړي.
