د کابل ښار د ۱۱مې امنیتي حوزې اړوند د «شهید عبدالمنان» جومات د پرانیستې په مراسمو کې د کورنیو چارو وزیر خلیفه سراج الدین حقاني؛ هغه له اختلافاتو په ډډه کولو ټینګار وکړ او ویې ویل چې افغانستان له لسیزو جګړو او ناکراریو وروسته متحد شوی دی.
خلیفه سراج الدین حقاني زیاته کړه، هیچا ته به اجازه ورنه کړو چې د هېواد د قومونو ترمنځ د شته یووالي خنډ شي.
د کورنیو چارو وزیر د دې سیمې مسوولینو ته لارښوونه وکړه چې خپله دنده پر وخت ترسره کړي او له ولس سره ښه چلند او ښه تعامل ولري.
