د کابل امنیه قومانداني وايي، د دونۍ په ورځ (د سنبلې ۱۲) د کابل ښار د شپږمې امنیتي حوزې اړوند د بختیار کلا په سیمه کې د چاودنې له امله شپږ تنه وژل شوي او ديارلس نور ټپيان دي.
د کابل د امنیه قومندانۍ ویاند خالد ځدراڼ په یوه خبرپاڼه کې ویلي، چې بریدګر چاودېدونکي توکي په خپل بدن کې ځای پر ځای کړي وو او د بختیار کلا په سیمه کې یې چاودنه کړې ده.
ښاغلي ځدراڼ دا هم وويل، چې ټپيان پر وخت روغتونونو ته لېږدول شوي او په اړه يې پلټنې روانې دي.
د يادونې وړ ده، چې د دغه بريد مسووليت تر اوسه کومې ډلې پر غاړه نه دى اخيستى.
د خبرونو اړوند ویډیو له لاندې لینک څخه وګورئ
https://t.me/SafirTelevision1/11199؟single
