ملګرو ملتونو په یوه راپور کې ویلي، چې په میانمار کې “جنګي جنایات” ډېر شوي دي.
دغه سازمان په دغه هیواد کې شکنجه، جنسي تیري او خپلسري نیول د جنګي جنایتونو د بیلګو په توګه یاد کړي دي.
د ملګرو ملتونو د خپلواکې پلټونکې ادارې مشر نیکولاس کومجیان وویل: “موږ کره شواهد راټول کړي چې په ټول میانمار کې د وحشتناکه کچه تاوتریخوالی او وحشت ترسره شوی دی.
د دغه راپور له مخې د میانمار پوځی حکومت د مخالفانو د ځپلو لپاره په زیاتیدونکی ډول جنګی جنایتونه لکه شکنجه او جنسی تاوتریخوالی کوی.
تر دې مخکې گاردین ورځپاڼې راپور ورکړی و، چې د توپچي او بې پیلوټه الوتکو په بریدونو کې د ماشومانو په ګډون لږ تر لږه ۲۰۰ روهینگیا وګړي وژل شوي او ۳۰۰ نور ټپیان شوي دي.
د دغه راپور له مخې دغو ملکي وګړو د میانمار په راخین ښار کې له روان تاوتریخوالی څخه د تېښتې او د سیند له لارې بنګله دیش ته د تلو هڅه کوله چې د دغو حملو له کبله په نښه شول.
