د شمالی کوریا د دولتی خبری اژانس د راپور له مخې، کیم جونگ اون له هېوادونو او نړیوالو سازمانونو مننه وکړه چې د بشردوستانه مرستو په برخه کې یې چمتووالی ښودلی او د خپل هېواد ماشومانو ته یې خواږه او جامې ورکړلې.
د راپور له مخې، کیم جونگ اون وویل: “دښمنان له دې فرصت څخه په استفادی د شمالی کوریا د انځور د خرابولو لپاره خپلو بې معنی هڅو ته دوام ورکوي.”
هغه په کلکو ټکو سره دښمنان وغندل او ټینګار یې وکړ چې دا ډول حقایق د دې ښکارندویي کوي چې دوی ولې دښمنان او خاینان بلل کیږي.
