د الجزیری د راپور په اساس، دغه اعلان د سه شنبی په ورځ (د زمری ۱۶) د بنگله دیش د ولسمشر محمد شهاب الدین د مطبوعاتی سکرتر جوینال عابدین له خوا اعلان شو.
د شیخ حسینی له استعفا او د بنگله دیش د پوځ له خوا د انتقالی حکومت د جوړولو له اعلان یوه ورځ وروسته، محصلینو چې مظاهری یې تنظیم کړې وې، د نوبل د سولې د جایزې ګټونکی محمد یونس د انتقالي حکومت د مشر په توګه وګوماره.
محمد یونس ۸۴ کلن د اقتصاد پوه او د گرامین بانک بنسټ ایښودونکی په۲۰۰۶ کې د پرمختیا او غربت کمولو لپاره د خپلو لسیزو هڅو له امله د نوبل د سولې جایزه ترلاسه کړه.
په وروستیو اونیو کې د بنگله دیش په ښارونو کې سړکونو د دغه هېواد د صدراعظم د سیاستونو پر ضد پراخ لاریونونه لیدلي او مظاهره چیان له پوځ او امنیتي ځواکونو سره نښتې شوي دي د بنګله دېش پوځ د شیخ حسینه استعفا او له هېواده د هغې وتل تایید کړي دي.
راپورونه وايي، چې ۷۶ کلنه شیخ حسینه، چې ۱۵ کاله یې د بنگله دیش مشري کړې، له خپلې خور سره په یوه پوځي چورلکه کې هند ته تښتېدلې ده.
