رسنیو خبر ورکړی، چې په تېرو اوو میاشتو کې په ارزگان ولایت کې څه باندې ۱۲ زره ماشومان په خوارځواکۍ اخته شوي دي.
په همدې حال کې د ملگرو ملتونو د ماشومانو وجهي صندوق یا یونیسف وايي، ماشومانو ته د مور د شیدو نه ورکول، په کورنیو کې د پوهې نشتوالی او اقتصادی ننګونې په دغه ولایت کې د خوارځواکۍ د زیاتوالي اصلي لاملونه دي.
د یونیسف د خوارځواکۍ د ناروغیو د څانگی مسؤل، لومړی وزیر الفت په ارزگان کې د مور څخه ماشوم ته د شیدو د تغذیې اونۍ د نمانځلو په مراسمو کې وویل: “د اوو میاشتو ارقام چې موږ په لاس کې لرو، 12,661 دي، او موږ لاهم په سره کرښه کې یو.”
د ارزگان د ولايتي روغتون مشر عبدالواحد واحديار وويل: “موږ له هر چا غواړو چې د مور د شيدو ورکول عام کړي.
د یونیسف د معلوماتو پر بنسټ، په ۲۰۲۳ کال کې په ارزگان کې نږدې ۲۶ زره ماشومان په خوارځواکۍ اخته شوي دي.
