د اووه کسیزې ډلې د بهرنیو چارو وزیر: له ټولو خواوو څخه غواړو چې د منځنی ختیځ په سیمه کب تاوتریخوالی زیات نه کړي

د اووه کسیزی ډلې د بهرنیو چارو وزیرانو په یوه غونډه کې په منځنی ختیځ کې له ټولو ښکېلو غاړو وغوښتل چې له داسې کړنو ډډه وکړي چې د کړکېچ د زیاتېدو لامل کېږي.

د رویټرز د راپور له مخې، د اووه کسیزې ډلې په بیانیه کې راغلي: موږ د وروستیو پېښو په اړه خپله ژوره اندېښنه څرګندوو چې په سیمه کې د کړکېچ د پراخېدو لامل کېدای شي.

موږ له ښکېلو خواوو څخه غواړو چې د هر هغه عمل مخه ونیسي چې خبرې اترې ګډوډوي او تاوتریخوالی زیات کړي.